POLITICAL NEWS: Pigo kubwa Chadema Madiwani, Mkurugenzi, Makatibu ...

 

Mahakama ya Hakimu Mkazi jijini Mwanza imewatia hatiani viongozi watano wa Chama cha Demokrasia na Maendeleo (Chadema) wakiwamo madiwani wawili kwa kosa la kukaidi amri ya Mahakama.

Viongozi waliotiwa hatiani ni madiwani Dan Kahungu wa Kata ya Kirumba na Josephat Manyerere wa Kata ya Nyakato ambaye kabla ya kuondolewa kwa kupigiwa kura ya kutokuwa na imani naye alikuwa ndiye Meya wa Jiji la Mwanza.

Viongozi wengine wa Chadema waliotiwa hatiani na Mahakama hiyo ni Mkurugenzi wa Oganaizesheni na Mafunzo wa Chadema Taifa, Benson Kigaila, Katibu wa Chadema Wilaya ya Ilemela, John Anajus na Katibu Mwenezi wa wilaya hiyo, Carlos Majura.

Hakimu Mkazi Mfawidhi wa Mahakama hiyo, Angelo Rumisha, ndiye aliyewatia hatiani viongozi hao, lakini hakutamka adhabu watakayotumikia kwa kile kilichoelezwa kwamba ni kutokana na baadhi ya watuhumiwa kutokuwepo mahakamani hapo.

Diwani Kahungu na Katibu wa Chadema Wilaya ya Ilemela, Anajus ndio waliokuwepo mahakamani wakati Hakimu Rumisha akitangaza kuwatia hatiani na aliamuru wapelekwe rumande hadi wenzao watatu watakapokamatwa na kufikishwa mahakamani.

SOMA HABARI KAMILI HAPA>>>>>>>>>>>>>>>>>>>