M23 waanza kuzungumza na serikali ya DRC

Waakilishi wa Jamhuri ya Demokrasi ya Congo wameanza mazungumzo na wapiganaji wa M23 mjini Kampala, Uganda.

Waziri wa Ulinzi wa Uganda, Crispus Kiyonga, alisema huo ni mwanzo wa majadiliano baina ya pande hizo mbili.
Wapiganaji wa M23 waliondoka mjini Goma, mashariki mwa Congo, siku nane zilizopita, lakini walitishia kurudi iwapo madai yao hayatasikilizwa.
Rais wa Congo, Joseph Kabila, ameahidi kusikiliza malalamiko yao.
Malaki ya watu wamehama makwao katika ghasia tangu wapiganaji hao walipoasi na kutoka katika jeshi la Congo mwezi wa Aprili.

CHANZO; BBC SWAHILI