MAN UNITED WARUDI MATAWI YA JUU, SASA NDIYO KLABU 'TAJIRI' ZAIDI DUNIANI

KLABU ya Manchester United imezipiku Bayern Munich na Real Madrid na kurejea kileleni katika orodha ya klabu zenye thamani kubwa kwenye ulimwengu wa soka, kwa kufikisha utajiri wa dola za Kimarekani Bilioni 1.

Licha ya kumaliza msimu mwingine bila taji, United imezipiku timu tishio Ulaya kama bidhaa yenye thamani kubwa katika soka katika The Brand Finance Football 50, kwa mujibu wa taarifa ya leo.

Mashetani hao Wekundu kwa sasa wana thamani ya zaidi ya dola za Kimarekani Bilioni 1.2, ambayo ni karibu ya zaidi ya dola Milioni 300 zaidi ya Bayern wanaoshika nafasi ya pili. Real Madrid, Manchester City na Chelsea wamo ndani ya tano bora.